foto1
foto1
foto1
foto1
foto1

B女黃鶯的出現,令朱茵和黃貫中(Paul)的笑容未停止過。由女神變潮媽,41歲的朱茵無論外貌、身材跟從前一樣,臉上添了幾分人母、人妻的味道。女兒黃鶯的來臨,令朱茵由徬徨變得踏實,與老公的目標亦一致,事事以女兒為先,讓她做個開心快樂的人,現在每分每秒感覺都是奇妙的、夢幻的。

一向處理私事低調的朱茵,由懷孕、女兒出世、與女兒相處的點滴,都一一記錄下來,再編寫成書,與大家分享她難以形容的喜悅,朱茵更告訴大家,與Paul不只簡單註冊結婚,二人早已悄悄地穿上婚紗、禮服擺酒完婚,她的燦爛人生,現在才開始。

朱茵貴為90年代的女神,已升任媽媽了,很難想像一個唯美主義者,會不計較懷孕致身材突變,拿出勇氣迎接下一代。朱茵由懷孕到誕女期間,曝光率近乎零,甚至連大肚相都沒有拍下,可想而知,她是何等愛美。黃鶯是她最疼錫的寶貝女兒,朱茵在懷孕開始已將點滴記錄下來,《6磅10安士》就是她為女兒撰寫的一本書,日前朱茵在尖沙嘴接受本報訪問時說:「人越大好多嘢唔記得,所以用文字去表達我內心嘅澎湃感覺,依家囡囡9個月大,見到佢出世一刻,真係淚流不止,佢一笑真係殺死我哋,望住佢每刻都好奇妙同好夢幻,我個肚竟然走咗咁大個人仔出嚟。」

驚嘆Paul遷就B女

榮升父母的黃貫中與朱茵,生活開始改變,朱茵說:「依家乜嘢都以囡囡行先,夜晚喺屋企講嘢要細細聲,之前我哋跟奧比斯去尼泊爾探訪,亦輾轉考慮咗好耐,擔心我哋有乜嘢事,囡囡唔知點算,不過今次出門我哋重拾二人世界感覺,亦見到好多需要幫助嘅小朋友。」朱茵更特別稱讚老公說:「佢煙食少咗,咖啡飲少咗,有時佢會主動幫手餵奶,見佢唔捨得放手,呢啲係以前未見過嘅,一個咁man嘅男人要遷就一粒骰嘅人仔,好好笑,不過有時見Paul同囡囡玩飛、玩騎膊馬,我見到都驚,但我又唔想妨礙佢兩父女建立感情,惟有同自己講放手,唔好太緊張。」

Paul經常出埠工作,由朱茵獨力照顧囡囡,她說:「我知佢好掛住我哋,囡囡經歷嘅所有第一次,佢都希望一齊行,我會拍好多片或者視像畀佢知道,囡囡都遺傳咗爸爸嘅音樂細胞,鍾意聽好嘈嘅音樂,試過聽兒歌就瞌眼瞓。」朱茵一向是女神icon,她表示若劇本適合,不介意演媽媽角色,但為照顧囡囡,出埠工作會盡量縮短:「呢段時間永遠唔會有,依家佢最需要媽咪,不過我未計劃囡囡將來做乜嘢、讀乜嘢學校,我只係想佢擁有快樂童年,做個開心嘅人,呢個係我同Paul嘅堅持,我唔會做怪獸家長,我依家教佢,都係同佢一齊慢慢行、慢慢學。」可會反對囡囡將來入娛樂圈?朱茵說:「呢行要有天份,如果只係鍾意出鏡算吧啦,呢行真係辛苦,要有好強毅力,我主張畀佢自由發揮。」

擺酒着婚紗做到足

懷孕期間,朱茵近乎零曝光率,又有說她懷孕時情緒起伏頗大,她說:「我唔想佢(Paul)受壓力,我真係希望佢自由自在。」被問到懷孕時有否刁蠻?朱茵說:「還好,我自己覺得還好啦,有時叫佢整嘢食,見佢辣親手不知幾心痛,後來我都唔敢再叫佢整。」

Paul與朱茵早前跟奧比斯到尼泊爾探訪,笑言重拾二人世界感覺。

大家都知道朱茵與Paul已註冊結婚,但原來也有按傳統,穿婚紗及禮服悄悄在港擺酒,朱茵說:「我哋有搞婚禮,只係傳媒唔知箒,我班摰友、連酒店場地都好錫我哋,所以冇人知,都差唔多有20人㗎。」辦婚禮又是否朱茵的心願?她說:「老人家啦,未必好傳統,總之老人家開心,做咗令老人家開心嘅嘢,亦做晒我哋想做嘅嘢。」但朱茵拒透露擺酒時是否已懷孕,她說:「呢樣留番畀我哋keep番個秘密啦。」

馴服戰狼生B隨緣

黃貫中經常成為頭條人物,與Beyond兄弟黃家強不和,與傳媒鬧不快等,做其背後的女人一點也不易,但朱茵永遠支持這位「戰狼」,她說:「我哋呢個係是非圈,所有嘢唔好咁上心,我直頭去到唔聽、唔睇,我支持佢做自己開心做嘅嘢,唔好太介懷,有啲是非越描越黑,唔解釋仲好。」

朱茵會否介意被指未婚懷孕?她說:「每個人都有口、有諗法、有睇法,做咗父母後,知道凡事唔一定有對錯,你覺得啱、適合咪去做,任何人講任何嘢都有佢哋權利,但每個人都有空間成長,每個階段有唔同睇法,做咗父母後,我對生命睇法都唔同,咁係咪以前錯,唔係,大家都要進步向前行,如果你只拘泥於以前嘅嘢,個人會唔開心,我唔會理咁多,做番我自己。」至於會否再追生B,朱茵說:「隨緣啦,既然第一個唔計劃,第二個我都唔計劃。」【蘋果日報報道】

 

孩子聽話並非就是好孩子

我們在不同的人生階段,有不同的「最重要」。當你為人父母後,教育好孩子就是你所有事情中的「最重要」。父母教育孩子,一定要學習、觀察、思考、實踐,發現規律,做到先知先覺。

Read more...

英倫風格 Silver Cross全新限量版平躺式嬰兒車

好多父母都希望將最好的給子女,尤其喜歡幫小孩扮靚,想小孩出街都一樣有型有款,可試試這架Silver Cross推出全新限量特別版平躺式嬰兒車Linear Freeway Country Club,風格完美揉合經典英倫與現代摩登風格,是潮爸潮媽必備的嬰兒車。

Read more...

強化孩子鈣質的9種食物

孩子不喜歡喝純牛奶,不要煩惱,他可以從別的食品中得到充足的鈣質。

Read more...

女人多吃番茄 養顏美容除疲勞

番茄含有較多蘋果酸、檸檬酸等有機酸、有機酸除了保護維他命C不被破壞外,尚可軟化血管、促進鈣、鐵元素的吸收,説明胃液消化脂肪和蛋白質,這是其他蔬菜所不及的。

Read more...

秋冬防曬 曬傷三次皮膚癌風險增2.8倍

炎夏漸過,秋涼天氣又是遠足好季節,市民在秋冬進行戶外活動也要做好防曬,以免曬傷皮膚,增加皮膚癌風險。市面的防曬產品林林總總,不同度數的「SPF」及「PA」值令人眼花撩亂,但價錢貴及防曬度數高不一定最好。

Read more...

洗衣的6個錯誤觀念

目前市場上的大部分洗衣用品是合成洗衣粉,洗衣粉在不斷提高其保潔、去污、方便、省力、經濟等特點時,難免會依附於衣物,長期接觸容易誘發皮膚病。很多皮膚病究其原因竟是洗衣粉中有害化學物質依附於衣物,危害人體健康造成的。

Read more...

本地新聞 - 其他文章

碘, 營養, 孕婦, 修身, 坐月, 分娩, 懷孕, 妊娠, 懷孕症狀, 懷孕徵兆, 育兒, 親子, 媽媽, 胎兒, 兒童, 嬰兒, 幼兒, 幼童, 爸爸, 父母, 父親, 母親, 奶粉, 母乳, 孕婦食譜, 孕婦資訊, 母嬰用品, 產品評論, BB , 教材, 玩具, 嬰兒食品, 育兒資訊, 臍帶血庫, 預防疫苗, 嬰兒攝影, 餵母乳, 餵母乳用品, 陪月服務, 孕婦服裝, 兒童學習軟件, 網上購物, 婦科, 兒科, 醫院, 醫生, 母嬰健康院, 檢查, 婦檢, 產檢, 幼稚園, 小學, 早教, 學前, Daddy, Mommy, Father, Mother, Baby, kid, kids, children, Parent, Parents, Mammy, MaMa, Milk, Milk Powder, Playgroup, 健康, 媽媽指南, 育兒百科, 親子同樂, 兒童天地, 家庭, 名人, 親子, 會員, 著數, 優惠, 胎盤, 預產期, 不育, 流產, 便秘, 產後抑鬱, 產前抑鬱, 早孕, 孕吐, 剖腹生產, 剖腹, 生產, 懷孕初期, 徵兆, 懷孕初期徵兆, 懷孕忌吃食物, 通識, 嬰幼兒, 澳洲奶粉, 新西蘭奶粉, 荷蘭奶粉, 歐洲奶粉, 奶源, 美素, 美素佳兒, 美贊臣, 牛欄, 惠氏, friso, mead, meadjohnson, cow, baby-kingdom.com, baby kingdom, 親子王國, monsterparent.com, monster parent, 怪獸家長, mybb.com.hk, 家+寶寶, 家+寶寶親子平台, babycenter.com, babyface.hk, esdlife.com, baby.esdlife.com, discuss.com.hk, 24parent.com, babypower.hk, bookofschool.com. c9web.com, mamastation.com, MaMaStation, talkermama.com, uwants.com, xmami.com, supermami.com.hk, qoos.com, moms-uno.com, 荷花, 荷花親子, Eugene Baby, 親子王, mammydaddy.com, 百家寶, 百家寶親子網?, peegaboo.com, babyface,

Menu